web analytics

මෙවර පොත් ප්‍රදර්ශනයේදි මිලදි ගත යුතුම පොත් 20ක්


📑 සැප්තැම්බර් මාසය කියන්නේ, පොත් කියවන්නන්ගේ මාසයයි. මෙහෙම කිව්වාම ගොඩක් දෙනෙක් අහයි, ඇයි පොත් කියවන්නේ මේ මාසේ විතරද කියලා . ඔව්, එහේම අහන එකත් සාධාරණයි. නමුත් අපි පොත් කියවන අය විදියට මේ මාසයට වැඩි වටිනාකමක් දිලා තියෙන්නේ එක්  විශේෂ හේතුවක් නිසයි. ඒ තමයි වසරක් පාසා පොත් ප්‍රකාශකයින්ගේ සංගමය විසින් සංවිධානය කරන කොළඹ ජාත්‍යන්තර පොත් ප්‍රදර්ශනය.

📑 දිවයිනේ දැවැන්තම සාහිත්‍ය මංගල්‍යය ලෙසින් සැලකෙන කොළඹ ජාත්‍යන්තර පොත් ප්‍රදර්ශනය ආරම්භ වෙන්නේ සැප්තැම්බර් 15  වෙනිදායි. ඒ කියන්නේ හෙට තමයි පොත් ප්‍රදර්ශනයේ ආරම්භක දිනය. පොත් ප්‍රදර්ශනය 15 වෙනිදා ඉඳන් 24 වෙනිදා දක්වා පැවැත්විමට නියමිත අතර කොළඹ බණ්ඩාරනායක සම්මන්ත්‍රණ ශාලා පරිශ්‍රයේදි පැවැත්විමට කටයුතු සුදානම් කරලා තියෙනවා .ශ්‍රී ලංකා පොත් ප්‍රකාශකයන්ගේ සංගමය මගින් සංවිධානය කරනු ලබන මෙම ප්‍රදර්ශනය මෙවර පැවැත්වෙනුයේ 19 වැනි වරටයි.

📑 ඉතිං, අද මේ ලිපිය ලියන්න හිතුවේ, හෙට දිනයේ ආරම්භ වෙන පොත් ප්‍රදර්ශනයට යන ඔයාට පහසුවක් වෙන්නයි. මොකද , මෙවර පොත් ප්‍රදර්ශනයේ කුටි 400ක් පමණ ඉදිකරලා තියෙනවා කියලයි ආරංචිය . මේ තරම් කුටි සංඛ්‍යාවකට යන්න කලින් ගන්න ඕනි පොත් ගැන පොඩි හරි අවබෝධයක් ලබා ගන්න එක ඇත්තටම ලොකු පහසුවක් වගේම කාලය ඉතිරි කිරිමක්. මොකද පොත් ප්‍රදර්ශනයට ගියපු අය දන්නවා තේරුමක් නැතුව පොත් හොයන්න ගියාම විඳින්න වෙන දුක. ඒ නිසා හොයලා, බලලා වැදගත් කියලා හිතෙන පොත් ලිස්ට් එකක් Refresh අපිත් හැදුවා. මීට අමතරව ඔයාලා දන්න කියන, කියවපු පොත් තියෙනවා නම් පහළින් කමේන්ට් කරන් යන්න, මොකද ප්‍රදර්ශනයට යන යාළුවන්ට ඒක උදව්වක් වෙයි.

20.  ගැබී

🌼පරිවර්තනය : කෝශලී සිරිචන්ද්‍ර

🌼ප්‍රකාශනය   : ආශිර්වාද ප‍්‍රකාශනයක්

📑 ඇගේ දෙමාපියන්ගේ විවාහය බිඳ වැටෙද්දී ඇගේ අම්මා ගැබ්රියෙල්ලා, කන්‍යාරාමයක දමා යන්නීය. කන්‍යාරාමයේ ආරක්ෂාව හා කන්‍යා සොයුරියන්ගේ නිහඬ පිළිවෙත් මැද්දේ පහර කෑමෙන් හෙම්බත් වුණු ගැබ්රියෙල්ලාගේ සිරුර හා මනස සුවපත් වෙන්න පටන් ගනියි. ගැබ්රියෙල්ලා තරුණියක් වුණු පසු තරුණ ෆාදර් ජෝ කොනර්ස් ඇගේ ජීවිතයට එන්නේය. ගැබ්රියෙල්ලා මෙන්ම ජෝ ද ළමා කාලයේ වේදනාවලින් පීඩා විඳින්නෙකි. ඇයත් සමග ඔහු සුවපත් වීමේ මාර්ගයට අවතීර්ණ වෙන්නේය. නමුත් ජෝට තමන්ගේ දේවගැතිකම හා ගැබ්රියෙල්ලා අතරින් එකක් තෝරා ගැනීමට සිදු වෙන නිසා ඔවුන්ගේ බැඳීම විනාශකාරී තත්ත්වයකට මුහුණ දෙන්නේය. ඇය තමන්ගේ ලිවීමේ හැකියාව යොදා ගනිමින්, අවසානයේ තමාටම සමාව දෙන්න, වරදකාරී බවෙන් නිදහස් වෙන්න හා සිත සුවපත් කර ගන්න හැකි වෙනතුරු තනියම නිව් යෝක් නගරයේ දිවි රැක ගන්න උත්සාහ කරන්නීය.

19. වචන 400

🌼 කතෘ: සහන් කසීර වික්‍රමසිංහ

🌼 ප්‍රකාශනය: සරසවි ප්‍රකාශකයෝ

📑 සත්හඬ සති අන්ත පුවත්පතෙ පලවු වචන 400 ලිපි පෙලෙ ලිපි 50 අතරින් තෝරාගත් ලිපි 36 ක එකතුවක් මේ පොතෙහි අන්තර්ගත වෙලා තියෙනවා . සරසවි ප්‍රකාශනක් ලෙස ඔබට සැප්තැම්බර් 15 ඇරැඹෙන ජාත්‍යන්තර පොත් ප්‍රදර්ශනයන් ලබා ගත හැක.

18. දැති රෝදෙන් උපන් බුදුන්

🌼 කතෘ : ටෙනිසන් පෙරේරා

🌼 ප්‍රකාශනය : අහස ප්‍රකාශකයෝ

 

📑 දණ්ඩ භූමි, භවාන්තරය, එකොළොස් ගිණි ආදි නවකතා රචනා කර තිබෙන ටෙනිසන් පෙරේරා කියන්නෙ අපිට ඉන්න ප්‍රවීණතම ලේඛකයෙක්. එතුමා විසින් රචිත කෙටි කතා සංග්‍රහයක් වන දැති රෝදෙන් උපන් බුදුන් කියන කෘතිය එළිදැක්වෙන්නෙ 1968 වර්ෂයේදීයි. එවක මහත් ආන්දෝලනයකට තුඩු දෙමින් මේ ග්‍රන්ථය තහනමට ලක්වනවා විතරක් නොවෙයි ටෙනිසන් පෙරේරා මහතාව හතරවැනි තට්ටුවට ගෙනගොස් සී. අයි. ඩී. ප්‍රශ්න කිරීමකටද ලක්කරන්න මේ නිර්මාණය සමත්වනවා.කාර්මික සමාජ විප්ලවයක් පාදක කොටගෙන ලියවුන කතාවක් වුවත් ඇතැම් අය මෙහි “දැති රෝදෙන් උපන් බුදුන්” නාමය බුදුන් වහන්සේට සහ ආගමට කල අපහාසයක් ලෙස හුවාදක්වමින් මේ ග්‍රන්ථය තහනම් කිරීමට කටයුතු යොදා තිබෙනවා. තහනමට ලක් වුනු මෙම ග්‍රන්ථය පොත් කියවන්නන් වෙනුවෙන් නැවතත් මුද්‍රණය කරලා තියෙනවා .

17. ගුරු ගීතය

🌼 කතෘ : ජයන්ත ලාල් රත්නසේකර

🌼 ප්‍රකාශනය : විදර්ශන ප්‍රකාශකයෝ

📑 චිංගිස් අයිත්මාතව්ගේ “ද ෆස්ට් ටීච” කෘතියේ අසංෂිප්ත පරිවර්තනය යි මේ අළුතෙන් මුද්‍රණය වෙලා තියෙන්නේ . ගුරු ගීතය කියවපු, නොකියවපු අයට ලොකු වෙනසක් වෙයි මේ පොත නම්. ඒ නිසා අරගෙන කියවලම බලන්නකෝ.

 16. උත්තම ආලයක කතාවක්                 ඇලෙක්සැන්ද්‍රා කොලොන්තායි

🌼පරිවර්තනය – චූලානන්ද සමරනායක

🌼ප්‍රකාශනය   – විදර්ශන ප්‍රකාශකයෝ

📑රහසිගතව සැගව සිටිමින් විප්ලවය උදෙසා සිය දිවිය අනතුරේ හෙලා ක්‍රියාකාරීව සිටිනා විප්ලවවාදීන් පිරිසක්. එකී අරගලයේ නියමුවා හා ඇය අතර ගලායන ප්‍රේමය සහ අභ්‍යන්තරික මානසික ගැටුම්. විප්ලවය සහ කාන්තාව යන තේමාව අළලා ඇලෙක්සැන්ද්‍රා කොලොන්තායි විසින් රචිත මෙම නවකතාව අරගලයෙහි කාන්තා භූමිකාව මෙන්ම ඒ කෙරේ හෙළනා පුරුෂ දෘෂ්ටිය විචාරයට ලක් කරන්නකි.

15. වණ්ණ දාසී

🌼 කතෘ : කත්‍යානා අමරසිංහ

🌼 ප්‍රකාශනය : සූරිය ප්‍රකාශකයෝ

📑 වණ්ණ දාසි කෘතියට තේමාව වී ඇත්තේ “ලිංගික ශ්‍රමිකයෙකු” ලෙස ක්‍රියා කරන කාන්තාවක් සහ ඇගේ දියණියයි. මේ කථාව කියවෙන්නේ ඔවුන් දෙදෙනාගේම චරිතය, ඔවුන්ගේ හැඩරුව, ඔවුන්ගේ බලපෑම් හා ඔවුන් මුහුණ දෙන ගැටළු වලට මුහුණ දීම ගැනය.

14. වුල්ෆන්ඩාල් ස්ට්‍රීට් ’48/’15

🌼 කතෘ :  නදී වාසලමුදලිආරච්චි

🌼 ප්‍රකාශනය : විදර්ශන ප්‍රකාශකයෝ

📑 2016 වසරේ, ස්වර්ණ පුස්තක අවසාන වටය සඳහා නිර්දේශ වුනු වුල්ෆන්ඩාල් ස්ට්‍රීට් කෘතිය ඉතාමත් විශිෂ්ට ගණයේ කෘතියක් ලෙස හැඳින්විය හැකිය. මහප්‍රාණ ගණයේ කියැවිම් වලට කැමති අයට ගැළපෙනම පොතක් තමයි මේ. මෙම නවකතාව 1948 – 2015 කාල පරාසයේ අප රටේ දේශපාලන පසුබිම කිසියම් ආකාරයකට පාදක කරගෙන ලියැවුණු “වෘක ගුහාවේ විසූ ගැහැණු දහනව දෙනාගේ කතාව” ලෙස කතුවරිය අර්ථගන්වා තියෙනවා .

13. ගරුඩ මුහුර්තය

🌼 කතෘ: කීර්ති වැලිසරගේ

🌼 ප්‍රකාශනය : සරසවි ප්‍රකාශකයෝ

📑 සිංහල කෙටිකතාවෙහි මෙන්ම නවකතාවෙහිද විවිධ දස්‌කම් දක්‌වන කීර්ති වැලිසරගේ සම්මානනීය ගත් කතුවරයෙකි. සිය නිර්මාණ වෙනුවෙන් රාජ්‍ය සාහිත්‍ය සම්මානයද, ස්‌වර්ණ පුස්‌තක සම්මානයද, ගොඩගේ සාහිත්‍ය සම්මානයද, ස්‌වාධීන සාහිත්‍ය සම්මානයද දිනාගෙන ඇති ඔහු යොවුන් සාහිත්‍යයේද නිරතවන්නෙකි. මෙවර  ස්වර්ණ පුස්තක සම්මානය සඳහා අවසන් වටයට තේරුණු ගරුඩ මුහුර්තය 2017 රාජ්‍ය සාහිත්‍ය සම්මාන ප්‍රදානෝත්සවයේ ප්‍රශස්තතම නවකතාවට හිමි සම්මානයද දිනාගත්තා .

12.සූට්කේසය -සෙර්ගෙයි දෙවාල්තොව්

🌼 පරිවර්තනය – චූලානන්ද සමරනායක

🌼 ප්‍රකාශනය   – විදර්ශන ප්‍රකාශකයෝ

📑 සූට්කේසයක්, එතුළ ඇති කමකට නැති ලට පට කිහිපයක්. මේ තිස් හත් වසරක ජීවිතය තුළ ඔහු උපයාගෙන ඇති දේපලෙහි එකතුවයි. එහෙත් මේ ලට පට එකිනෙක ගෙන එහි ඉතිහාසය විමසන විට අපට හමුවනුයේ අප ප්‍රභල කම්පනයකට පත් කරනා කතා පුවතකි. විසිවැනි සියවසේ වඩාත්ම ජනප්‍රිය සෝවියට් – රුසියානු ලේඛකයන් අතර ඉදිරියෙන්ම සිටින්නේයැයි සැළකෙන සෙර්ගෙයි දෙවාල්තොව් ගේ මේ කෘතිය තියුණු දේශපාලන විවේචනයක් ගෙන එන නවකතාවකි.

11.කපාල දූවේ වානර රජු

🌼 කතෘ : ප්‍රභාත් මිරිහාල්ල

🌼ප්‍රකාශනය : දයාවංශ ජයකොඩි සමාගම

📑 1933 වසරේ දී තිරගත වූ කිංකොං සිනමාපටයට පාදක වූ, 1932 වසරේ දී පළමු වරට මුද්‍රණය වූ නවකතාවේ සම්පූර්ණ සිංහල පරිවර්තනය යි. පරිවර්තන කෘති වලට ඇලුම් කරන අයට ගැළපෙනම පොතක් තමයි මේ.

10.වළාකුළු බැම්ම

🌼 කතෘ : චන්ද්‍රරත්න බණ්ඩාර

📑 ඉතා හොද භාෂාවකි. ලංකාවෙහි සිදු වූ ආර්ථික දේශපාලන උපනතීන් සහ බලාධිකාරීයේ සාහසික බව සහ ග්‍රාමීය සංස්කෘතික වන්දනාවේ සැහැසිබව ඉතා හොදින් මනාව විදහා දක්වන ලද කෘතියකි.

09. සුවඳ සන්නිය

🌼 කතෘ : සේපාලි මායාදුන්නගේ

🌼 ප්‍රකාශකයෝ : ගොඩගේ ප්‍රකාශකයෝ

📑 සුවඳ සන්නිය සේපාලි මායාදුන්නේ විසින් රචිත අලුත්ම නවකතාව වන අතර එය ස්වර්ණ පුස්තක සම්මාන උළෙලේ අවසන් පොත් 12 අතරට නිර්දේශ විය. මහා සාමි කෘතිය සේම සුවඳ සන්නියද ලාංකීය ඉතිහාසය අළලා කෙරුණු නිර්මාණයකි. එහිදී ඇය සිය නිර්මාණය උදෙසා පාදක කරගනු ලබන්නේ 1900- 1948 දක්වා දිවෙන කාල පරාසයයි. සුවඳි යනු මේ කතාවේ එන ප්‍රධාන චරිතයයි. ඇය ඕපපාතිකව උපත ලැබූ බව කියවේ. සන්නි යනු රෝග විශේෂයකි.

08.සඛී භාර්‍යා

🌼 කතෘ : චූලාභය ශාන්ත කුමාර

🌼 ප්‍රකාශනය : ෆාස්ට් පබ්ලිෂින්

📑 ජ්‍යෙෂ්ඨ ගුවන්විදුලි මාධ්‍යවේදියකු, කෙටිකතා හා නවකතාකරුවකු වන චූලාභය ශාන්ත කුමාර හේරත් ලියූ අලුත්ම නවකතාව ‘සඛී භාර්යා’ සුරස ප්‍රකාශනයක් ලෙසින් එළිදැක්වෙයි. මැදිවියෙහි ප්‍රේමය මෙන්ම යොවුන් ප්‍රේමය සහ දාරක ප්‍රේමය පදනම් කරගත් ‘සඛී භාර්යා’ කුතුහලයෙන් පිරි ගවේශනාත්මක සිදුවීම් සමුහයක් පාදක කරගත් ආකරයේ නවකතාවකි.

07.ජනාධිපති තාත්තා

🌼 කතෘ : චතුරිකා සිරිසේන

📑 සියනෑ කෝරළයෙන් රජරටට ජීවිතය සොයාගිය, ධෛර්යවන්ත ගොවි පරම්පරාවේ මිනිසෙකු, දේශයේ නායකත්වයකරා පැමිණි දුෂ්කර ගමන් චාරිකාවේ ලෝකය නොදත් කතාන්දරය මෙලෙසින් රචනා වී ඇත. දුෂ්කර ජිවිතයකින් රටේ ඉහළම පුටුවට ආව තාත්තගේ ජීවිත අත්දැකිම් දුවණියකගේ ඇසින් ලියැවි තිබේ.

06.පණ්ඩුක පුත්‍ර වස්තුව

🌼 කතෘ : අනුරසිරි හෙට්ටිගේ

🌼 ප්‍රකාශනය : සන්ථව ප්‍රකාශකයෝ

📑 ප්‍රවීණ සම්මානනීය කෙටිකතාකරුවෙකු මෙන්ම නවකථාකරුවකු වන අනුරසිරි හෙට්ටිගේ විසින් රචිත අලුත්ම නවකථාව “පණ්ඩක පුත්‍ර වස්තුව” එළි දක්වා ඇත. සමාජය තුල අපගේ ඇසට නිතර මුණ ගැසෙන ප්‍රවාහයට පිටින් දිවෙන්නා වූ ප්‍රවාහයක මිනිසුන්ගේ සිතුම් පැතුම්වල ඇති මානුෂීය ස්වභාවය පිළිබඳව විග්‍රහ කරන්නට ගත් ඉතා දුරලභ උත්සාහයක් කැටි කොටගත් “පණ්ඩක පුත්‍ර වස්තුව” මෙතෙක් නවකථාවට විෂය නොවූ මානව ප්‍රදේශයකට පාඨක ප්‍රජාව කැඳවාගෙන යෑමට කතුවරයා උත්සාහ දරයි. පණ්ඩක පුත්‍ර වස්තුව, නගරබද ජීවිතයක ට උරුමකම් දක්වන සම්මතයට වෙනස් සමකාමී තරුණයකු පිළිබඳ ලියැවුණ හද සසල කරවන කතා පුවතයි.

05.රහස් අවිය

🌼 කතෘ: නිමල් දසනායක

🌼 ප්‍රකාශනය : ආශිර්වාද ප්‍රකාශකයෝ

📑 නිමල් දසනායක මහතා රචනා කරන ලද “රහස් අවිය” නවකතාව, 1944දී ලියවුණු “Biggles in the Orient” ග්‍රන්ථයේ පරිවර්තනයක්. පළමුවෙනි ලෝක යුද්ධ සමයේ සිටි “බිගල්ස්” නම් ගුවන් යානා කපිතාන්වරයෙක්ගේ වීර කතා ආශ්‍රයෙන් තමයි මේ කතාව ගලාගෙන යන්නේ. මේකේ මුල් කතාව ලිව්ව ඩබ්ලිව්.ඊ.ජෝන් ගුවන් නියමුවෙකු විදියට ලබපු අත්දැකීම් මේ කතාවට හේතුවෙලා තියෙනවා.

04.දියමන්ති අභිරහස

🌼 කතෘ : පසිඳු කල්හාර

🌼 ප්‍රකාශනය : ප්‍රතිභා ප්‍රකාශකයෝ

📑 ජක් ෆෘට්‍රෙල් විසින් රචිත “The Diamond Master” නවකතාව තමයි මේ විදියට සිංහල බසට පරිවර්තනය වෙලා තියෙන්නේ. නිව්යෝක් නුවර වාසය කරන දැවැන්ත ව්‍යාපාරිකයන් පස්දෙනෙක්ට නිර්නාමික කෙනෙක්ගෙන් ලැබෙන දියමන්ති කැට පහකුත්, ඒ ගැන සොයා යාමේදී ඇතිවන හදිසි මරණයකුත් වටා ගෙතුණු මේ කතාව ත්‍රාසය, භීතිය සියල්ල එකට කැටි කරපු එකක්.

03.අහා හැඩයි මේ රූ

🌼 කතෘ: දිලීප ජයකොඩි

🌼 ප්‍රකාශනය : ෆාස්ට් පබ්ලිෂින්

📑 දිලීප ජයකොඩි මහත්මයගේ අතින් මේ විදියට පරිවර්තනය වෙන්නේ මේරි හිගින්ස් ක්ලාක් විසින් ලියන ලද “Silent Night” නවකතාවයි. විශේෂම කාරණාව නම් මීට කලින්, මේ රචිකාවියගේ කිසිම පොතක් සිංහල බසට පරිවර්තනය වි නොතිබිම යි.

02. ඩ වින්චි කේතය

🌼 කතෘ: කුමාර සිරිවර්ධන

🌼 ප්‍රකාශනය : ආශිර්වාද ප්‍රකාශකයෝ

📑 ත්‍රාසජනක නවකතා කාණ්ඩයේ රචකයෙක් විදියට ප්‍රසිද්ධ ඩෑන් බ්‍රව්මන් අතින් ලියවුණු “The Da Vinci Code” අදටත් පොත් කියවන්නන් අතර සෑහෙන්න ජනප්‍රිය පොතක්.  කොච්චර ජනප්‍රිය වුණාද කියනවානම් පළමු මුද්‍රණයෙන් අවුරුදු තුනකට පස්සේ (2006) මේ ඇසුරෙන් චිත්‍රපටයකුත් නිෂ්පාදනය වෙලා තියෙනවා . 2003දී එළි දක්වපු මේ නවකතාව අද වෙද්දී ලෝකය වටා කොපි මිලියන 80ක් විකුණන්න සමත් වෙලා තියෙනවා. පැරීසියේ ලූවර් කෞතුකාගාරයේ භාරකරු විදියට කටයුතු කරන ජැක්, හදිසියේ ම අභිරහස් විදියට මිය යනවා. හැබැයි ඔහු මිය ගිහින් තිබුණේ තමන්ගේ සිරුර අසලින් කේත පණිවිඩයක් තියලයි. ඔහුගේ මිනිපිරිය වුණු සොෆී සහ මේ වගේ කේත භාෂා ගැන දැනුමෙන් සපිරි අමෙරිකානු මාහාචාර්ය රොබට් ලැන්ග්ඩන් මේ පණිවිඩය පසුපස සැඟවිලා තියෙන තොරතුරු සොයාගැනීමට දරන උත්සාහය ගැන තමයි මේ The Da Vinci Code කතාවෙන් කියවෙන්නේ.

01.හඳ පළුව තනි තරුව

🌼 කතෘ : නිශ්ශංක විජේමාන්න

🌼 ප්‍රකාශනය : විදර්ශන ප්‍රකාශකයෝ

📑 මෙවර ස්වර්ණ පුස්තක සම්මානය දිනා ගනු ලැබුයේ නිශ්ශංක විජේමාන්න මහතා විසින් රචනා කළ හඳ පළුව තනි තරුව නම් කෘතියයි. මෙම නවකතාව තුළ ජාතීන් අතර සහයෝගීතාවයක් ඇති කරලීම සඳහා වූ කලාවකි. පොතෙහි දක්වා ඇති මෙම චිත්‍රයේ අන්තර්ගතය මෙසේය. “එකම මිනිස් රූපයක් නැත. මුහුද, තරු, ඉර, ධර්ම චක්ර, රෝද, ඇල්ෆනා, ශාක, ඇස්, කක්ෂ, කුරුල්ලා, රතු, ත්‍රීකෝණ, තිත්, සිත්, දියමන්ති හැඩය “. මේ දර්ශනය අපි දර්ශනය කරන විවිධ ජාතීන් නියෝජනය කරමින් සිහින දකින 4 හැවිරිදි දැරියන්ගේ විවිධාකාර ඇඳුම් වලින් නියෝජනය වේ. පොත කියවලම අන්තර්ගතය තේරුම් ගැනිම ඔබට භාරයි.


Like it? Share with your friends!

189 SHARES
189 SHARES

What's Your Reaction?

Cute Cute
1
Cute
Lol Lol
1
Lol
OMG OMG
0
OMG
Thanks Thanks
2
Thanks
Cry Cry
0
Cry
Like Like
6
Like
Confused Confused
0
Confused
Dislike Dislike
0
Dislike
Damn Damn
0
Damn

මොකද හිතන්නෙ? පහලින් කමෙන්ට් කරන්න..

මෙවර පොත් ප්‍රදර්ශනයේදි මිලදි ගත යුතුම පොත් 20ක්

log in

Become a part of our community!

Don't have an account?
sign up

reset password

Back to
log in

sign up

Join Refresh Community

Back to
log in

Hey there!

or

Sign in

Forgot password?

Don't have an account? Register

Close
of

Processing files…

Choose A Format
Story
Power by

Download Free AZ | Free Wordpress Themes